Kryetari i Komunës së Rahovecit, Smajl Latifi ka kërkuar nga Qeveria e Kosovës dëmshpërblimin për bujqit e dëmtur dhe rritjen e subvencioneve, përcjellë InLajmi.
Latifi ka bërë të ditur se për shkak të pandemisë dhe dëmeve të shaktuara nga vërshimet dhe përmbytjet, bujqit janë ata që janë dëmtuar më së shumti në Komunën e Rahovecit.
Postimi i plotë i tij:
Komuna e Rahovecit kërkon nga Qeveria e Kosovës, dëmshpërblimin e bujqve të dëmtuar dhe rritjen e subvencioneve
Të nderuar fermerë të komunës sonë,
Më lejoni t’ju njoftoj se në bazë të gjendjes së krijuar nga pandemia Covid 19, si dhe dëmeve që ka pësuar bujku rahovecas edhe nga vërshimet dhe përmbytjet, dje ju kam drejtuar me 2 shkresa konkrete Qeverisë së Kosovës dhe kam kërkuar:
* Dëmshpërblimin e bujqve të dëmtuar
* Rritjen e vlerës së subvencioneve për vreshtarët, perimtarët, blegtorët…për të gjithë bujqit dhe fermerët.
Përkrahja që vjen qoftë nga qeveria apo donatorët, sigurisht se ndikon drejtpërdrejtë në cilësinë e jetës dhe mirëqenien e qytetarëve tanë.
Për më shumë ju lus t’i shihni kërkesat
SL /InLajmi/
