Policia e Kosovës vijon monitorimin e zbatimit të masave anti-Covid.
Përmes raportit 24-orësh, PK njofton për qindra gjoba të shqiptuara brenda një dite, për qytetarët dhe bizneset që nuk i respektojnë masat kundër koronavirusit.
Së fundmi u bënë virale dy gjoba të shqiptuara në Viti.
Një qytetar ka njoftuar është se është gjobitur me 200 euro nga policia se shkeli orën policore kur në kohën e syfyrit kishe dal për të blerë bukë.
Gjithashtu edhe një tjetër qytetar nga Vitia ka njoftuar para disa ditëve se ishte gjobitur nga Policia e Kosovës me 200 euro pasi që kishte dal për të blerë byrek, përcjellë televizioni Plus TV.
Me masat e reja, Qeveria e Kosovës ka vendosur që të kufizojë lirinë e lëvizjes në Kosovë nga ora 22:00 deri në ora 05:00 si masë parandaluese për përhapjen e Covid-19, duke vendosur orë policore.
