Kryetari i Komunës së Podujevës Shpejtim Bulliqi ka bërë të ditur së është nënshkruar një marrëveshje me shoqatën humanitare “Jetimat e Ballkanit”, për ndërtimin e 10 shtëpive për familjet në nevojë, përcjellë InLajmi
“Ky projekt do të realizohet në bashkëfinancim mes Komunës së Podujevës dhe shoqatës “Jetimat e Ballkanit”. Komuna e Podujevës do të participojë me nga 5 mijë euro për secilën shtëpi, kurse shoqata do të financojë pjesën tjetër”, tha kryetari Bulliqi.
Postimi i plotë i tij:
Në prag të Muajit të shenjtë të Ramazanit, sot kemi nënshkruar marrëveshje me hoxhën e nderuar Halil Kastrati për ndërtimin e 10 shtëpive për familjet me gjendje të rëndë sociale dhe kushte të rënda të banimit.
Ky projekt do të realizohet në bashkëfinancim mes Komunës së Podujevës dhe shoqatës “Jetimat e Ballkanit”. Komuna e Podujevës do të participojë me nga 5 mijë euro për secilën shtëpi, kurse shoqata do të financojë pjesën tjetër.
E falënderova hoxhën për kontributin e vazhdueshëm në Komunën e Podujevës për t’ju dalë në ndihmë familjeve me gjendje të rëndë sociale. Projekte të tilla do të vazhdojnë në Komunën e Podujevës derisa t’ju bëjmë zgjidhje të banimit secilës familje.
Falënderoj nga zemra të gjithë donatorët e shoqatës që po e mundësojnë realizimin e projekteve të tilla. /InLajmi/
