U përfol mjaft shumë në media se Qeveria e Kosovës ka arritur të sigurojë 200 mijë vaksina Pfizer kundër koronavirusit, por një gjë të tillë e ka mohuar zëdhënësi I LVV-së, Arlind Manxhuka, përcjellë InLajmi.
Manxhuka përhapjen e një lajmi të tillë e ka quajtur si fake news apo lajm të rremë.
Sipas tij përmes këtij lajmi disa media po tentojnë të krijojnë pritshmëri për t’u kthyer pastaj në sulm ndaj Qeverisë Kurti.
Postimi i plotë tij:
Ky është rasti tipik se si shtyhet përpara një lajm i rremë (fake news). Artikullin në linqet dhe fotografitë më poshtë do ta shihni se është identik, madje është marrë direkt pa u ndryushuar fare nga ata që e kanë nisur këtë fake news. Disa ditë janë përpjekur edhe në portale të tjera por në fund kanë arritur ta nxjerrin vetëm në këto. Një portal ka dërguar pyetje mbi këtë lajm dhe është demantuar, dhe si rrjedhojë nuk ka dalur si lajm, por në këto të tjerat po.
Ky nuk është vetëm informacion i rremë, por artikull i përgatitur plotësisht. Duan të krijojnë pritshmëri për t’u kthyer në sulm ndaj qeverise.
Sikur shumë herë të tjera edhe kësaj radhe ky fake news vjen direkt nga një parti politike, e cila dëshiron të gënjejë dhe ndikojë opinionin publik. Së bashku me dekonspirimin e lajmit dhe personave që e kanë shtyrë atë po dalin në pah edhe mediumet e lidhura ngusht me regjimin e vjetër, normalisht ende jo të gjitha.
Për fund, nëse ju nuk e dini që ne dimë, atëherë ja ku po ju themi. /InLajmi/
