Profesori i Fakultetit të Shkencave të Natyrës në Universitetin e Prishtinës, Halil Ibrahimi, ka njoftuar se ka zbuluar një insekt të ri në Bjeshkët e Nemuna, përcjellë InLajmi.
Ibrahimi ka thënë se ky insekt është studiuar gjatë vitit të kalur kur ishim në izolim shtëpiak për shkak të pandemisë. Ai këtë insekt e ka emëruar Potamophylax coronavirus.
Tutje prof.Ibrahimi tha se Kosova po ballafaqohet edhe me një ndotje, degradim dhe keqmenaxhim të lumenjëve.
Postimi i plotë i tij:
Sot është publikuar lloji im më i ri i insekteve i zbuluar nga Lumbardhi i Deçanit në Bjeshkët e Nemuna.
Edhe pse i zënë para disa vitesh, është përshkru tek gjatë vitit të kaluar dhe sivjet, kryesisht gjatë kohës së izolimit për shkak të pandemisë. Nga këtu vjen edhe emri i llojit, Potamophylax coronavirus, si përkujtim i kohës kur është zbulu. Simbolikisht, emri i llojit, potencon edhe një pandemi tjetër, që është duke ndodhur në lumenjtë e Kosovës, e në veçanti në Lumbardhin e Deçanit,si rezultat i ndotjes, degradimit dhe keqmenaxhimit të hidrocentraleve. Në kuadër të punimit janë bërë edhe analizat molekulare të krejt grupit ku bën pjesë ky lloj, krahas atyre morfologjike. Prania e këtij lloji tregon për pasurinë e madhe të biodiversitetit në Kosovë, e cili fatkeqësisht është duke u rrezikuar ndjeshëm.
Punimi është rezultat i një bashkëpunimi të shkëlqyeshëm te grupit të Zoologjisë të Departamentit të Biologjisë. Punimi është publikuar në revistën prestigjioze Biodiversity Data Journal, që boton lloje të reja për shkencën. /InLajmi/
