U.d i kryetari i Partisë Demokratike të Kosovës, Ever Hoxhaj ka uruar komunitetin rom në ditën ndërkombëtare të tyre, përcjellë InLajmi.
Hoxhaj ka shkruar se Institucionet e Kosovës duhet të vazhdojnë që të shtojnë veprimet e fuqishme, jo vetëm në respektimin e të drejtave të bashkëqytetarëve romë, por edhe në avancimin dhe zhvillimin e tyre.
Ndër të tjera ai ka theksuar se Kosova do të jetë shtet i drejtë dhe demokratik kur të gjith qytetarët e saj gëzojnë liri dhe mundësi të barabarta.
Postimi i plotë i tij:
Miq dhe të dashur qytetarë të komunitetit rom,
Urime Dita Ndërkombëtare e juaj. Jo vetëm sot, por gjithmonë, Institucionet e Kosovës duhet të vazhdojnë që të shtojnë veprimet e fuqishme, jo vetëm në respektimin e të drejtave të bashkëqytetarëve tanë romë, por edhe në avancimin dhe zhvillimin e tyre. Edhe pse është bërë shumë deri më sot, romët vazhdojnë të mbesin si komuniteti më i cënueshëm në shoqërinë tonë. Qeveria të nisë dhe zbatojë programe të mirë-financuara arsimore, shëndetësore dhe ekonomike për komunitetin rom. Kosova do të jetë shtet i drejtë dhe demokratik vetëm kur të gjithë qytetarët e saj të gëzojnë liri dhe mundësi të barabarta. Urime! /InLajmi/
