Ish-ministri i shëndëtësisë, Armend Zemaj ka thënë se mbyllja totale e marrë nga qeveria Kurti, nuk është zgjidhje, dhe se pasojat janë të mëdha edhe në aspektin ekonomik dhe psiqik.
“Mbikqyrja rigoroze e masave, rritja e kapaciteteve të mbikqyrjes ka qenë politikë e jona. Ne jemi ballafaquar, unë komiteti për menaxhim, bordi këshilldhënës, e kemi heq ‘të zitë e ullirit’ por mbylljen nuk e kemi lejuar asnjëherë”, tha Zemaj në një lidhje direkte në emisionin Politiko të Kanal 10.
Zemaj po ashtu theksoi se mbyllja nuk eshtë treguar me rezultate efektive, mund të ulë infeksionin, por pasojat janë të mëdha edhe në aspektin ekonomik dhe psiqik.
