Presidentja Vjosa Osmani, në kuadër të Ditës Botërore të Shëndetit ka pritur të mërkuren në takim një grup studentësh të mjekësisë të cilëve u ka treguar aktivitetet dhe trajnimet e organizuara për ta, përcjellë InLajmi.
Osmani ka theksuar se investimi në arsim e shëndetësi duhet të jetë prioritet. Në këtë kontekst, ka përmendur se ikja e kuadrit mjekësor ka shkaktuar problem serioz për Kosovën.
“Duhet ta kthejmë trendin, në mënyrë që mjekët tanë ta shohin perspektivën këtu”, ka potencuar Osmani.
Për këtë shkak, ajo ka theksuar se duhet të kthehet vëmendja nga kjo sferë, në mënyrë që kuadrot shëndetësore të mbeten në Kosovë. /InLajmi/
