Zëvendësministri i ministrisë së Financave, Punës dhe Transfereve, Qazim Rahmani ka kërkuar nga Kryeministri i Kosovës Albin Kurti që ta lirojë nga detyra e zëvendësministrit ku si arsye e tij ishte detyrat dhe përgjegjësit në partin e tij Partia e Ashakalinjëve për Intergrim, përcjellë InLajmi.
Pas shkarkimit të Rahmanit nga detyra, Kurti ka emëruar zëvendësministër të Financave, Punës dhe Transfereve Resul Makreshin.
Njoftimi i plotë i Qeverisë së Kosovës:
Kryeministri i Republikës së Kosovës, Albin Kurti, ka liruar nga detyra zëvendësministrin e Financave, Punës dhe Transfereve, Qazim Rahmani.
Nëpërmjet një letre drejtuar Kryeministrit të Republikës së Kosovës, zëvendësministri Rahmani ka kërkuar që të lirohet nga të gjitha detyrat dhe përgjegjësitë e përcaktuara nga vendimi paraprak për emërimin e tij. Arsyeja e dorëheqjes së zëvendësministrit Rrahmani është angazhimi në një pozitë tjetër pas konsultimeve me subjektin të cilit i takon.
Në vend të z. Qazim Rahmani, Kryeministri Kurti e ka emëruar z. Resul Makreshi. /InLajmi/
