Kryetari i komunës së Obiliqit, Xhafer Gashi ka njoftuar se ka filluar vaksinimi kundër koronavirusit për stafin shëndetësorë, përcjellë InLajmi.
Komuna e Obliqit ka në dispozicion 70 vaksina për stafin e QKMF-së kurse në total për janë 105 profesionistë shëndetësorë që duhet të vaksinohen.
Xhaferi ka falenderuar gjithë stafin mjekësor për punën e tyre në kohën e pandemisë.
Postimi i plotë i tij:
Sot, vizitova Qendrën Kryesore të Mjekësisë Familjare, ku ka filluar vaksinimi i personelit shëndetësorë të komunës së Obiliqit. Nga drejtoresha e DSHMS-së, Vlora Kabashi dhe drejtori i QKMF-së, Haki Jashari, u njoftova nga afër për procesin dhe procedurat e vaksinimit, ekipet e QKMF-së po e administrojnë me profesionalizëm, aktualisht në dispozicion kemi 70 vaksina për stafin e QKMF-së, në total kemi 105 profesionistë shëndetësorë.
Stafin e QKMF-së e falënderova për angazhimin,punën dhe përkushtimin e treguar gjatë gjithë kohës në luftën me pandeminë Covid-19, stafi shëndetësorë janë heronjtë e vërtetë dhe vija e parë në parandalimin e këtij virusi, andaj është shumë e domosdoshme që të jenë të parët në këtë proces të vaksinimit. Uroj e shpresojë se me fillimin e vaksinimit do të shënohet fundi i kësaj pandemie, normalisht që dhe unë do të marrë vaksinen atëherë kur do të vije radha, tani është radha e stafit mjekësorë, të moshuarve dhe personave me sëmundje kronike.
Xhafer Gashi /InLajmi/
