Ish-presidentja e Kosovës, Atifete Jahjaga së bashku me ambasadorin e SHBA-ve, Philip Kosnett kanë vizituar Qendrën e grave Medica Gajkovë, përcjellë InLajmi.
Kjo qendër merret me fuqiziminne grave përfshirë të mbijetuarat e dhunës seksuale gjatë luftës në Kosovë.
Në këtë vizitë Jahjaga dhe Kosnett dëgjuan hallet e këtyre grave dhe diskutuan për krijimin e mundësive të tjera në realizimin e të drejtave të tyre.
Ata në këtë takim theksuan nevojën e verifikimit të të mbijetuarave të dhunës seksuale në Kosovë duke e parë si process të rëndësishëm për zbardhjen e së vërtetës.
Postimi i plotë i saj:
Me Ambasadorin e Shteteve të Bashkuara të Amerikës në Kosovë, Philip Kosnett, sot ishim në Gjakovë në Qendrën e Grave Medica Gjakova, e cila tashmë disa vite merret me fuqizimin e grave përfshirë të mbijetuarat e dhunës seksuale gjatë luftës në Kosovë.
Dëgjuam hallet dhe shqetësimet e disa të mbijetuarave të dhunës seksuale dhe shprehëm mbështetjen tonë për të mbijetuarat dhe punën që bën Qendra nën udhëheqjen e Mirlinda Sada. Diskutuam poashtu mbi shtigje të reja që duhet të gjejmë për t’ju qëndruar pranë të mbijetuarve të dhunës seksuale gjatë luftës në realizimin e të drejtave të tyre.
Në këtë drejtim, inkurajuam të mbijetuarat e dhunës seksuale që shfrytëzojnë të drejtat e tyre ligjore duke aplikuar për statusin e të mbijetuarit të dhunës seksuale gjatë luftës në Kosovë.
Procesi i verifikimit të të mbijetuarve të dhunës seksuale gjatë luftës në Kosovë është jetik për procesin e zbardhjes të së vërtetës dhe ballafaqimit tonë me të kaluarën. /InLajmi/
