Çitaku ka reaguar ndaj kalimit të Graincës në VV: Reduktim i politikës në pazar

Seanca për zgjedhjen e presidentit të Kosovës u bë më interesante momentin kur deputetja Adelina Grainca nga rradhët e PDK-së u pa në ulëset e deputetëve të LVV-së, përcjellë InLajmi.

Veprimi i saj ngjalli reagime të shumta nga skena politike. Vlora Çitaku veprimin e deputetës Grainca e quajti si mungesë e vetëdijes politike.

Sipas Çitakut kalimi I Graincës në VV ishte i panevojshëm dhe ajo nuk e bëri një gjë të tillë vetëm për të mos shkuar vendi në zgjedhje.

Postimi i plotë i saj:

Me ndërru mendjen, qëndrimin dhe pozicionimin politik në demokraci është normale.

Herë ndryshojnë rrethanat, e herë ndryshojmë vet. Ama, me ndryshu tabore politike brenda orës, pa asnjë arsye të artikuluar, është as më shumë e as më pak se mungesë elementare e vetëdijes politike. Është reduktim i politikës në pazar.

Deputetja Grainca nuk kaloi në VV sepse donte që Kosova me çdo kusht të shmangte zgjedhjet e parakohshme, sepse zonja Grainca hyri në sallë në raundin e 2-të, dhe vota e saj ishte e panevojshme; as pse kishte shprehur ndonjë paknaqësi ne grupin e sajë parlamentar lidhur me orientimet politike të PDK-së.

Motivin e din më së miri ajo vet, por aman mos na e veshni oportunizmin politik me interes për Kosovën e sakrificë.

Poashtu, shpresoj që Partia Demokratike e Kosovës të marrë mësim. Të nisë procesin e reformave. Opozita është gjithmonë e rëndësishme, e posaçërisht tani. /InLajmi/