Në shenjë proteste ndaj zgjedhjes së Thaçit president, opozita kishte hedhur gaz lotsjellës në sallë.
Kjo pasi, kandidati për president në vitin 2016, Hashim Thaçi, në rundin e parë e siguroi kuorumin, por jo votat e nevojshme.
Në këtë rund, Thaçi mori vetëm 50 vota, 27 të tjera ishin të pavlefshme ndërsa 4 vota i mori kundërkandidati, Rafet Rama, edhe ky nga PDK.
Ndërkohë pas këtij rundi, në shenjë paknaqeësie, Komisionin e për verifikimin e votave, e lëshoi përfaqësuesi i opozitës, Ilir Deda.
Në rundin e dytë votat për Thacin u rritën në 64, por sërish jomjaftushëm për pozitën e të parit të shtetit.
E kur dështuan dy runde, në lëvizje u vë kryeministri nga partneri qeversisë LDK, Isa Mustafa.
E pasi Mustafa bindi bashkëpartiakët e tij e ia siguroi votat Thacit për president, ndërhyri edhe një herë opozita.
Këta të fundit, kundërshtuan ashpër zgjedhjen e Thaçit president.
Ndërkohë, situata u bë edhe më dramatike, gjatë fjalimi i deputetetit të LDK-së, Sabri Hamitit.
Për këtë, u desh ndërhyrja e sigurimit të Kuvendit të Kosovës.
Por, pas disa minutash, në sallë ndërhyri edhe Policia e Kosovës.
Kjo e fundit, arrestoi disa nga deputetët e Lëvizjes Vetëvendosje, për hedhjen e gazit në Kuvend.
E kur u krijuan kushtet për vazhdimin e seancës, filloi edhe rundi përfundimtar i votimit.
Ish-kryetari i PDK-së, Hashim Thaci, mori 71 vota, të mjaftueshme për t’u zgjedhur shef i shtetit në rundin e tretë.
E veprimin e parë që e bëri Thaci si president, ishte dhurimi i luleve për deputeten e LDK-së, njëherësh vajzen e presidentit të ndjerë Ibrahim Rugova, Teutën.
E në kohën sa presidenti i zgjedhur, Hashim Thaci po mbante fjalimin, jashtë Kuvendit të Kosovës, opozita po e vazhdonte protesten.
E 5 vjet më vonë, në rundin e trete, presidente u zgjodh edhe Vjosa Osmani me numër të njëjtë të votave.
Tani ai që dikur u nxor me dhunë nga salla plenare, do t’ia siguronte votat e nevojshme Osmanit.
Kurse në shenjë paknaqësie, opozita kishte lëshuar sallën.
Ndërsa sipas analistëve, mënyra e zgjedhjes së dy presidentëve të fundit, është e njëjtë.
Pavarësisht mënyrës, Vjosa Osmani u zgjodh presidente.
Më pas, ajo mori edhe zyrtarisht detyrën nga ud i presidentit, Glauk Konjufca, shkruan Gazeta Express.
E bashkë me pozitën, edhe nje tufë lule dhe një kompliment për shefen e shtetit.
