Kreu i AAK-së, Ramush Haradinaj të shtunën ka përkujtuar të rënët e masakrës së Kralanit ku ndër të vrarët ishin edhe 11 të mitur, përcjellë InLajmi.
Haradinaj u shpreh se me të drejtë muaji Prill quhet si i përgjakur për shkak të masakrave që u bënë nga agresori serb në Kosovë.
Ai ndër të tjera shtoi se do të jetë përgjithmonë mirënjohës për sakrificën e të rënëve për liri.
Postimi i plotë i tij:
Me të drejtë quhet Prilli i përgjakur!
Ishte fillimi i një muaji që do të na ndante prej shumë njerëzve të dashur.
Përulemi në kujtim të jetëve që u sakrifikuan për lirinë tonë. Kujtojmë sot, të rënët në Kralan, shumica të rinj, e 11 prej tyre të mitur.
Kujtojmë Dëshmorin e 3-të nga familja Mehmetaj e Gllogjanit, Artonin që heroikisht ra krah për krah me bashkëluftëtarin nga Kukësi Halit Coka.
Kujtojmë bashkëluftëtarët Visar Myftari, Fehmi Shala, Kujtim Qallakaj, Ilir Hoxha, Mustafë Çeku e dhjetëra të tjerë anekënd Kosovës.
Përgjithmonë mirënjohës për sakrificën e tyre!
Lavdi! RH /InLajmi/
