Ministrja e Drejtësisë, Albulena Haxhiu ka njoftuar se është duke punuar në përzgjedhjen e anëtarëve të Komisionit për Promovimin e Jurisprudencës, pasi që janë shprehur shqetësime në lidhje me vonesat për formimin dhe aktivizimin e këtij Komisioni, përcjellë InLajmi.
Tutje ajo shtoi se pas përzgjedhjes, propozimi do i shkojë Qeverisë, e më pas Kuvendit të Republikës së Kosovës.
Postimi i saj i plotë:
Shumë kandidatë më të drejtë kanë shprehur shqetësimet e tyre në raport me vonesat që janë bërë në formimin dhe aktivizimin e Komisionit për Provimin e Jurisprudencës.
Në pamundësi të i përgjigjem secilit dhe secilës veç e veç, ju njoftoj se si Ministri jemi duke punuar në përzgjedhjen e anëtarëve të Komisionit. Pas përzgjedhjes, propozimi do t’i shkojë Qeverisë e më pas Kuvendit të Republikës së Kosovës.
Si Ministri, shprehim interesin dhe vullnetin që sa më shpejtë të procedojmë tutje më këtë çështje, marrë parasysh interesimin e madh dhe gjithashtu, iu siguroj se nuk do të përsëriten praktikat e gabuara të cilat edhe kanë ra ndesh me kriteret profesionale dhe meritore. /InLajmi/
