Duket se kreu i AKR-së nuk ka mundur të qëndrojë pa reaguar në lidhje me deponin e mbeturinave para ambasadës së SHBA-ve në Kosovë, përcjellë InLajmi.
Behgjet Pacolli tha se këto deponi po i japin një imazh të keq kryeqytetit dhe po shkatërrojnë mjedisin e Kosovës. Ai ka shpërndarë edhe disa fotografi në rrjetin e tij social facebook në të cilat shihet një numër I madh I mbeturinave.
Postimi i plotë i tij:
Sigurisht që nuk është një imazh i mirë për Prishtinën, që në aksin kryesor të rrugës më të ngarkuar (Prishtinë-Mitrovicë), para Ambasadës së re të SHBA-ve dhe para varrezave të tolerohet kjo deponi e mbeturinave.
Unë nuk e di se ku qëndron problemi, por një gjë është e sigurt, mjedisi i Kosovës është shkatërruar në mënyrë të shfrenuar në të gjitha aspektet duke filluar nga ajri i ndotur, fushat e hapësirat gjithandej të shëndërruara në deponi, ujrat e helmuara e deri te shkatërrimi i maleve.
Zot, ruaje Ambientin e Kosovës nga shkaterruesit! /InLajmi/
