Në mesin e personelit shëndetësor të cilët kanë filluar të marrin vaksinata anti-Covid, është edhe ushtruesi i detyrës së Drejtorit të Klinikës Infektive, Izet Sadiku, raporton InLajmi.
Sadiku tha se kjo është një ditë historike për Kosovën dhe se vendi ynë po i bashkëngjitet vendeve tjera që po i marrin vaksinat kundër Covid-19, gjithashtu ai ka treguar që po ndjehet mirë pas marrjes së vaksinës.
“Po ndihem mirë. Sot është ditë historike për Kosovën. Po hyjmë në fazën kur Kosova i bashkëngjitet vendeve tjera për marrjen e vaksinës kundër COVID-19. Po kërkojmë nga qytetarët që të respektojnë masat sepse ato janë shpëtim jete. S’ka pasur hezitim për marrjen e vaksinës nga asnjë kolegë. S’ka reaksion”, ka thënë ai.
Vaksinat kundër koronavirusit kanë arritur të dielen në Kosovë, dhe kanë filluar që të dhurohen nga dita e hënë, ku i pari që është vaksinuar ka qenë kryeministri i vendit Albin Kurti. /InLajmi/
