Spitali i Përgjithshëm i Prizrenit gjatë ditës së hënë ka pranuar aparaturë të re mjekësore si pjesë e Projektit Emergjent Covid-19 për Kosovën i cili u financua nga një kredi e Bankës Botërore, përcjellë InLajmi.
Spitali I Prizrenit është pajisur me 10 aspiratorë kirurgjikë me rrymë për trajtimin e pacientëve me Covid-19.
SHSKUK po ashtu ka pranur kërkesën e Spitalit të Prizrenit për tu pajisur me një analizator të gazrave me gjak.
Njoftimi i plotë i SHSKUK-së
Pajisje mjekësore për Spitalin e Prizrenit
Spitali i Përgjithshëm i Prizrenit është pajisur me aparaturë të re mjekësore- pjesë e “Projektit Emergjent COVID-19 për Kosovë”, i financuar nga një kredi e Bankës Botërore.
Tash, profesionistët shëndetësorë do të kenë në dispozicion edhe 10 aspiratorë kirurgjikë me rrymë për trajtimin e pacientëve, të cilët, sidomos në kohën e Pandemisë COVID-19, pritet të luajnë rol shumë të rëndësishëm në ofrimin e shërbimeve më cilësore mjekësore.
Me kërkesë të Spitalit të Prizrenit, pas identifikimit të nevojave për furnizim me pajisje të reja, Shërbimi Spitalor Klinik Universitar i Kosovës, i ka dorëzuar, gjithashtu, një analizator të gazrave me gjak. /InLajmi/
