Aktori i njohur kosovar, Çun Lajçi ka njoftuar që është infektuar me koronavirus, përcjellë InLajmi.
Aktori ka treguar për gjendjen e tij shëndetësore por gjithashtu ka edhe një mesazh për të tjerët.
Ai ka theksuar se nëse shpëton nga ky virus nuk keni nevoj me ja zmadhuar fotografinë e as me ble buçetë me lula.
Nga bjeshket e Drelajt, aktori ka thënë se nuk vdes njeriu nga një virus, dhe nuk e humbë hijen e malsorit, por thotë se do të vdes kur të vie koha duke e përcjellur zogjët së bashku me trumcakët e bjeshkëve.
Postimi i plotë i tij:
Nëse…!
Nëse e han dreqi me shpëtua nga Covidi, bahet mirë për mua e bahet mirë edhe për juve.
Pse?
Se s’do t’keni nevojë me ma zmadhue fotografinë as me ble buçetën me lule e me vu n’shkallët e teatrit të fotografia ime e zverdhueme!
Po
Kam thanë, e po them, Drelajt janë larg me ardhë ju mbas kufomës sime!
Atje ka zogj e njerëz s’me duhen për kurtuazi!
Nëse e han dreqi më shpëtua nga virusi, keni shpëtua edhe ju, se s’ka me iu ra mallkimi që s’ishit tjetër pos fotografi mashtrimi. Jo, malësori s’duron hipokrizi!)
Rrini rehat, se nuk vdes nga nji virus, jo, nuk e humbi hijen e malësorit për nji mortajë zezonash!
Po
Dua me m’përcjellë zogjët, kur t’vie koha, ju jo, e me vdekë tue knua bashkë me mua, trumcakët e bjeshkëve t’mia!
Dardani, 28.03.2021 /InLajmi/
