Administrata Tatimore e Kosovës, ka dalë me një informacion për të gjithë tatimpaguesit, ku sipas tyre është zgjat afati për deklarimin dhe pagesën e tatimeve, si dhe për deklarimin e Pasqyrave Financiare, përcjellë InLajmi.
Gjithashtu sipas ATK-së të gjitha deklarimet dhe pagesat e bëra deri në afatin e zgjatur nuk i nënshtrohen ndëshkimeve të përcaktuar me Legjislacionin tatimor në fuqi.
Postimi i plotë i ATK-së:
Njoftimi për tatimpagues – Zgjatet afati për deklarimin dhe pagesën e tatimeve, si dhe deklarimin e Pasqyrave Financiare
Bazuar në Vendimin e Ministrit të Financave, Punës dhe Transfereve Nr. 15/2021 të datës 29.03.2021, Administrata Tatimore e Kosovës, ju njofton se zgjatet afati për deklarimin dhe pagesën e tatimeve, si dhe deklarimin e Pasqyrave Financiare, ashtu siç kërkohet me Legjislacionin Tatimor dhe Ligjin për Kontabilitet, Raportim Financiar dhe Auditim.
Afatet për dorëzimin e deklaratave, raporteve dhe pagesave të detyrimeve tatimore zgjatet, për këto lloje të tatimeve dhe këto periudha tatimore sipas tabelës së bashkangjitur.
Deklarimet dhe pagesat e bëra deri në afatin e zgjatur sipas tabelës në këtë njoftim, nuk i nënshtrohen ndëshkimeve të përcaktuara në legjislacionin tatimor në fuqi.
Për të gjitha llojet e tjera të tatimeve dhe kontributeve, afati për deklarim dhe pagesë mbetet ashtu siç është i përcaktuar me Legjislacionin tatimor në fuqi.
Administrata Tatimore, inkurajon të gjithë tatimpaguesit, të cilët nuk kanë vështirësi financiare, të vazhdojnë me përmbushjen e detyrimeve tatimore brenda afatit të rregullt ligjor.
??? ???? ????????? ??̈? ???????? ? ??????????̈? ???? ?????????????!
Administrata Tatimore e Kosovës /InLajmi/
