Në Teatrin Kombëtar të Kosovës, të shtunën po bëhen homazhe për artistin e njohur shqiptar Rasim Thaqi-Cima i cili ndërroi jetë të premtën si pasojë e koronavirusit, raporton InLajmi.
Homazhe janë parë duke bërë edhe kryeministri i vendit Albin Kurti së bashku me ushtruesin e detyrës së presidentit, Glauk Konjufca.
Kurti tha se qysh si fëmijë jemi rritur me humorin e Cimës dhe vdekja e tij është e pabesueshme dhe përkulemi me nderime para tij.
“Si fëmijë u rritëm me cimën, gëzimin dhe humorin e tij e shtonte duke e ndarë me të tjerët. Vdekja e tij na ngjanë e pabesueshme, ne përkulemi me nderime para tij”.
Familjarët kanë njoftuar se varrimi do të bëhet të shtunën në fshatin e lindjes Vukovc në ora 13:00. /InLajmi/
