Gjatë sezonit 2021 do të mbahen 23 gara duke thyer rekord ndërsa do të përfundojë me Grand Prix të Abu Dhabi më 12 dhjetor
Motorët janë gati të zhurmojnë për fillimin e sezonit të ri të Formula 1 të dielën ndërsa Bahreini është nikoqiri i garës së parë të vitit 2021
Grand Prix i Bahreinit me 57 xhiro do të mbahet në “Bahrain International Circuit” në një pistë afër 5.4 kilometra të gjatë, e cila ndodhet në rajonin e shkretëtirës Sakhir, 30 kilometra nga kryeqyteti Manama.
Raundi kualifikues do të mbahet në orën 15:00 sipas kohës lokale të shtunën ndërsa gara do të fillojë në të njëjtën kohë të dielën.
Këtë vit janë planifikuar 23 gara, pra më shumë ngjarje Grand Prix të vendosura brenda një sezoni se kurrë më parë.
Vitin e kaluar ylli britanik i Formula 1 Lewis Hamilton fitoi titullin e tij të shtatë të pilotëve në Grand Prix të Turqisë, duke barazuar rekordin titujve botëror me legjendën e F1 Michael Schumacher.
Piloti 36-vjeçar gjithashtu grumbulloi 95 fitore të Grand Prix për të mposhtur rekordin e të gjitha kohërave të Schumacher prej 91, të vendosur në vitin 2006.
Formula 1 ra dakord të ndajë një shumë prej 145 milionë dollarë – buxhet për skuadrat dhe gjithashtu ka rritur peshën për këtë sezon.
Duke iu nënshtruar të ardhurave më të ulëta për shkak të pandemisë, vitin e ardhshëm kufijtë e buxhetit të skuadrave do të ulen në 140 milionë dollarë dhe në 135 milionë dollarë në 2023.
Kufiri i peshës për makinat u rrit nga 746 kilogramë në 752 kilogramë ndërsa pesha e motorit u rrit nga 145 kilogramë në 150 kilogramë.
Arabia Saudite do të organizojë garën e saj të parë F1 në qytetin bregdetar Xheda ndërsa sezoni do të përfundojë me Çmimin e Madh të Abu Dhabi më 12 dhjetor., transmeton Anadolu Agency (AA).
Kalendari i Kampionatit Botëror në Formula 1 për vitin 2021
28 mars – Bahrein (Sakhir)
18 prill – Itali (Imola)
2 maj – Portugali (Portimao)
9 maj – Spanjë (Barcelonë)
23 maj 23 – Monaco (Monaco)
6 qershor – Azerbajxhan (Baku)
13 qershor – Kanada (Montreal)
27 qershor – Francë (Le Castellet)
4 korrik – Austri (Spielberg)
18 korrik – Britani e Madhe (Silverstone)
1 gusht – Hungari (Budapest)
29 gusht – Belgjikë (Spa)
5 shtator – Holandë (Zandvoort)
12 shtator – Itali (Monza)
26 shtator – Rusi (Sochi)
3 tetor – Singapor (Singapore)
10 tetor – Japoni (Suzuki)
24 tetor – SHBA (Austin)
31 tetor – Meksikë (Mexico City)
7 nëntor – Brazil (Sao Paulo)
21 nëntor – Australi (Melbourne)
5 dhjetor – Arabi Saudite (Xheda)
12 dhjetor – Abu Dhabi (Ishulli Yas)
