Drejtoria për Punë Inspektuese në Gjakovë ka zhvilluar një aksion në disa markete me qëllim të mbikqyrjes së cilësisë së produkteve ushqimore, përcjellë InLajmi.
Inspektorët e tregut dhe inspektorët e veterinaries kanë larguar nga tregu 500 kilogramë produkte ushqimore që nuk I kanë plotësuar kushtet për konsum.
Gjatë inspektimit janë vërejtur edhe parregullsi në çmime dhe deklaracione të produkteve ushqimore me ç’rast janë shqiptuar edhe gjoba sipas ligjit në fuqi.
Postimi i plotë i tij:
Drejtoria për Punë Inspektuese në Gjakovë ka ndërmarrë një aksion të radhës në disa veprimtari ekonomike të tregtisë. Inspektorët e tregut sanitarë dhe inspektorë të veterinarisë kanë kryer inspektim në disa markete në qytetin e Gjakovës, me qellim të mbikëqyrjes së cilësisë së produkteve ushqimore. Dhe si rezultat i këtij inspektimi, janë larguar nga tregu deri më tani 500 kilogramë produkte ushqimore që nuk kanë plotësuar kushtet për konsum. Po ashtu në kuadër të këtij inspektimi janë vërejtur parregullsi sa i përket çmimeve dhe deklaracioneve të produkteve ushqimore. Për këto parregullsi inspektorët kanë shqiptuar gjoba të parapara me ligjin në fuqi. Mbrojtja e konsumatorit do të jetë prioritet i Drejtorisë për Punë Inspektuese. /InLajmi/
