Gjatë ditës së enjte është mbajtur mbledhja e Asamblesë së Punës dhe asaj Zgjedhore të Komitetit Olimpik të Kosovës në të cilën mori pjesë edhe ministri i ri i Kulturës Rinisë dhe Sportit, Hajrulla Çeku i cili tha se është i kënaqur me punën dhe sukseset e arritura në arenën ndërkombëtare, raporton InLajmi.
Ministri Hajrulla Çeku tha se do të ketë prioritet mbështetjen e djemëve dhe vajzave që do ta përfaqësojnë Kosovën në garat ndërkombëtare në Tokio.
Çeku tha se pret nga sportistët tanë të kthehen me ndonjërën prej medaljeve olimpike.
“Ministria ju përgëzon për punën dhe sukseset që keni arritur duke përfaqësuar vlerat tona në arenën ndërkombëtare. Prioritet do të jetë mbështetja e sportistëve vajza dhe djemve që do të na përfaqësojmë në Tokio. Uroj që të na përfaqësojnë denjësisht duke u kurorëzuar me ndonjërën prej medaljeve olimpike”, tha Çeku. /InLajmi/
