Presidenti i Shqipërisë, Ilir Meta është shprehur se ndjehet i lumtur që sot me rastin e shënimit të 22 vjetorit të bombardimeve të NATO-së ai feston edhe ditëlindjen, përcjellë InLajmi.
Meta ka thënë se shqiptarët do tu jenë gjithmonë mirënjohës SHBA-ve dhe NATO-së për kontributin e tyre ndaj Kosovës.
Ai theksoi se e ardhmja e Kosovës është në NATO dhe Shiqpëria do ta mbështesë këtë aspiratë
Postimi i plotë i tij:
Shumë i lumtur të festoj ditëlindjen në të njëjtën ditë me një ngjarje të shënuar për çdo shqiptar, ditën kur NATO-ja vendosi të ndërhyjë për t’i dhënë fund gjenocidit dhe spastrimit etnik në Kosovë.
Kombi shqiptar do t’u jetë gjithmonë mirënjohës Shteteve të Bashkuara të Amerikës dhe NATO-s për këtë kontribut të jashtëzakonshëm, që i parapriu Pavarësisë së Kosovës dhe forcoi paqen e stabilitetin në rajonin tonë.
E ardhmja e Republikës së Kosovës është anëtarësimi i saj në NATO dhe Shqipëria mbetet e vendosur për të mbështetur këtë aspiratë, në mbrojtje të vlerave të lirisë, paqes e sigurisë në Ballkan dhe kudo në botë. /InLajmi/
