Kryetari i Partisë Social Demokrate (PSD), Dardan Molliqaj ka folur për ministrin e emëruar të Shëndetësisë, Arben Vitia në Qeverinë Kurti 2.
Molliqaj në T7 ka thënë se Vitia është instrument i Albin Kurtit, madje sipas tij ai as ministër nuk është.
“Vitia është instrument i Albin Kurtit, as ministër nuk është. A e din që ai aty është vetëm për të bërë marketing për disa muaj deri të vijnë zgjedhjet lokale, sepse Vitia do të kandidojë për kryetar të Prishtinës, po nga ministria do të tentojë të rrisë disa vota”, ka thënë Molliqaj.
“Nëse Kurti i thotë mos jep dorëheqje, ai nuk jep, pasi që është instrument i Kurtit. Është instrument i Kurtit, s’ka kokërr guximi”, ka thënë Molliqaj.
Kujtojmë se Vitia ishte ministër i Shëndetësisë edhe në qeverinë e kaluar të Kurtit.
