Deputeti i Partisë Demokratike të Kosovës, Enver Hoxhaj, në seancën parlamentare për krijimin e Qeverisë Kurti 2, tha se në planin qeverisës të prezantuar nga kandidati për kryeministër, Albin Kurti, ka parë më shumë një listë dëshirash se sa plan konkret, raporton InLajmi.
“Edhe qeveria e Hotit dhe ajo Kurtit kanë qenë të paafta dhe ne jemi tash si PDK kemi garuar në këtë zgjedhje me një plan të brendshëm që ta kemi qeverinë kombëtare dhe sa më të përgjegjsshme sepse ne besojmë qe një qeveri e fortë do të mund t’i permbyllte të gjitha sfidat. Më shumë te Kurti e kam parë vetëdijen se sa njeriun, ndërsa sot më shumë e pash njeriun me listë të dëshirave se sa vetëdijen, dhe në atë ekspoze unë nuk pashë plane konkrete se si mund të ndodhë vaksinimi dhe nuk dëgjova një politikë të fortë ekonomike dhe nuk e pashë arsimin si një projekt individual”, tha Hoxhaj.“Koalicioni mes jush dhe zonjës Osmani është më shumë koalicion për karriga”, tha Hoxhaj. /InLajmi/
