Kryetari dhe deputeti i LDK-së Lumir Abdixhiku në seancën e votimit të Qeverisë së re ka thënë se kryeministri i ri që do të zgjedhjet duhet t’i kujtojë vetës së nuk është i zgjedhur i vetëm votuesve të tij dhe partiakëve, por do të jetë i gjithë qytetarëve, raporton InLajmi.
“I nderuar kryetar i Kuvendit, fillimisht urime për zgjedhjen tuaj”, tha Abdixhiku, duke vazhduar që të përmend sfidat dhe duke ia dhënë disa këshilla kryeministrit dhe kabinetit të ri qeveritar Në qoftë se rendi kushtetues është respektuar me plotni, sot është përmbyllur respektimi i vullnetit të qytetarëve. Është veprim i zakonshëm demokratik”, Si opozitë e re, këtë kapitull e mbajmë të mbyllur sepse respektojmë vullnetin e njerëzve që sot janë me ju, e nesër bëhen me ne”, theksoi ai.
Abdixhiku ka thënë se kryeministri i ri nuk duhet të sillet me arrogancën e numrave.
“Kryeministri duhet ta kuptojë se qasja e tij nuk është e një opozitari refuzues, por i një njeriu me pushtet apsolut”
Ai ka pohuar se LDK do të jetë opozitë konstruktive.
“Si opozitë synojmë të kontribuojmë stabilitet. LDK me 15 deputetët e saj do të mbajë rol opozitar, konstruktiv në procese nacionale. Në skenën e madhe të politikës ju [qytetarët] na keni dhënë vend të qartë në opozitë. Do të mbesim zë mbrojtës i pakompromis i shtetësisë së Kosovës, simboleve indentitare tona dhe organizimit territorial”.
Kryetari i LDK-së tha se sot shumica e ndërton qeverinë njëpartiake, por i tha Kurtit të mos harrojë dhe tha se ai “duhet t’ia kujtojë vetes se 50% tjetër e ka në dy anët tjera”. /InLajmi/
