Ansu Fati po vazhdon të mbesë jashtë fushave të gjelbëra për shkak të një lëndimi që ka pësuar në nëntorin e vitit 2020 në gju.
Trajneri i Barcelonës, Ronald Koeman, ka thënë në një konferencë për shtyp se do të duhen disa javë para se i riu të mund të bashkohet me trajnimin në grup,.
Duke folur për shërimin e Ansu Fati nga dëmtimi i tij, Koeman tha: “Shërimi i tij po zgjat pak më shumë sesa prisnim, kjo është e vërtetë”.
“Ai tani po punon mirë në palestër dhe pas disa javësh do të fillojë stërvitjen jashtë. Ai është një lojtar i ri”, shtoi tutje holandezi.
Kohët e fundit Fati u raportua se do të kthehej në fillim të prillit, por duket se mund t’i duhet anësorit të ri pak më shumë kohë për t’u kthyer nga dëmtimi i tij i keq në gju i cili pësoi në nëntor, përcjell lajmi.net.
Para dëmtimit të tij, Spanjolli kishte luajtur 10 ndeshje të Barcelona këtë sezon duke shënuar 5 gola dhe duke regjistruar 4 asistime në të gjitha garat.
