Përbërësit
1 kg tul shalqiu pa fara
125 ml mjaltë
100 ml ujë i vakët
200 gr kos
Gjysmë luge çaji kanellë
Përgatitja
Për të nisur me përgatitjen e kësaj recete AgroWeb ju këshillon të prisni në kubikë të vegjël ose në forme trekëndore deri në 3-4 cm tulin e shalqiut.
Përhapini këto copëza në mënyrë të barabartë në gota apo enë më të vogla.
Më pas në një enë hidhni ujin e vakët dhe shtoni mjaltin dukr e përzier derisa të shkrihet dhe të formohet shurupi.
Këtë hidhjani sipër copave të shalqiut që prete më parë dhe lërini të ftohen në frigorifer për 10 minuta.
Ndërkohë në një tjetër enë shtoni kosin bashkë me kanellën dhe përziejeni mirë me lugë që të marrin shijen e njëra tjetrës.
Nxirrni gotat me shalqi nga frigoriferi dhe hidhini sipër kosin me kanellë që përgatitët.
Këtë ëmbëlsirë mund ta konsumoni menjëherë ose ta ruani në frigorifer për një moment të 2-të, shkruan AgroWeb.
Ruajeni jo më shumë se një ditë pasi shalqiu ka tendencë të zbutet dhe të prishë shijen e të gjithë recetës.
