Ndaj formimit të kryesisë së re të LDK-së ka reaguar edhe Gani Geci duke thënë se kjo parti duket qartazi që nuk e ka ndërmend të bllokojë formimin e institucioneve, përcjellë InLajmi.
Geci ka dhënë alternativat e tij në lidhje me hapat e ardhshëm se si duhet të veprojë LDK-ja në forminin e institucioneve të reja sidomos në zgjedhjen e presidentit të vendit.
Sipas tij LDK-ja ka 2 mundësi: E para është ta propozojë Murat Jasharin për president dhe e 2-ta Vjosa Osmani të bëhet president me kusht që deputetët e listës GUXO të kthehen në grupin parlamentar të LDK-së.
Postimi i plotë i tij:
Lidhja Demokratike e Kosovës pas zgjedhjes kryetar të ri Lumir Abdixhikut, dhe pas zgjedhjes së kryesisë së re duket se ka bërë ndryshime të mjaftueshme dhe tani qartazi po tregon se nuk është parti që e bllokon formimin e institucioneve.
LDK tani është deklaruar haptas se do të jetë parti opozitare dhe do të jetë opozitë konstruktive dhe aktive. Duke ditur se moszgjedhja e presidentit në afate kushtetuse, vendi shkon përsëri në zgjedhje, atëherë LDK duhet që para publikut dhe elektoratit tonë te paraqes alternativat e saj:
LDK i ka 2 alternativa politike.
E para alternativë e LDK-së është që ta propozon Murat Jasharin, si kandidat konsensual dhe ata që dalin kundër Murat Jasharit, dalin kundër vetvetës dhe propozimeve të veta para disa muajve.
Nëse LVV nuk e voton Murat Jasharin President bie në ujë i gjithë patriotizmi verbal dhe del sheshazi se ata nuk kanë dalllim fare nga PDK-ja, nëse nuk e votojnë Murat Jasharin për president.
Alternativa e 2-të të bisedohet me Vjosa Osmanin që ajo ti ketë votat për presidente nga LDK me kusht që deputetët e listës GUXO të kthehen në LDK.
Tanimë dihet se Vjosa Osmani po pretendon se do të bëhet presidente, por pa prezencën e LDK-së në sallë nuk mund të bëhet dhe duke e ditë LDK është parti opozitare e në partitë politike, partitë opozitare nuk japin vota bllanko në asnjë vend demokratik, atëherë në bazë të votave 2019 -2021 po shihet se Vjosa Osmani i ka marr me vete mbi 100 mijë vota tonat dhe i ka dërguar në LVV dhe në VV me ato vota i ka 7 deputetë.
Tani LDK duhet të ofrojnë alernativen e 2 të pranueshme pë ta votuar Vjosa Osmanin pesidente.
Që deputetët e listës Vjosa të cilët nuk dëshirojnë të bëhen ministra, por deshirojnë të mbesin deputet ti kthehen gjenezës së tyre partiake LDK-së, pra me marrëvshje të shkruar të kthehen dhe ti bashkangjiten GP të LDK-së, sepse ashtu e kështu Vjosa kur bëhet Presidente ata nuk mund të kenë grup parlamentar por do të shkrihen në VV.
E në këtë formë LDK edhe pa AKR do ti ketë mbi 19 deputetë edhe nëse ndonjëri nga deputetët e Vjosës bëhet ministër.
Në këtë mënyrë kthehet LDK në frymën e bashkimit, do të jetë më e fortë për zgjedhjet lokale dhe nacionale.
Presidentja nuk mundet me ushtru detyrë partiake as mu përzi në politikë, por është garantuese e Kushtetuesës. LDK qysh në start fillon këndelljen. /InLajmi/
