Përballja Ajax-Roma duket se do të jetë ndeshja më e vështirë në fazën e çerekfinales të Ligës së Evropës
Gjiganti holandez i futbollit Ajax Amsterdam do të luajë kundër klubit italian Roma në çerekfinalen e këtij sezoni të UEFA Ligës së Evropës, një nga ballafaqimet kryesore pas shortit në Nyon të Zvicrës.
Ndërkaq klubi anglez Manchester United do të përballet me klubin spanjoll Granada. Klubi tjetër anglez Arsenal do të ndeshet me klubin çek Slavia Praga.
Dinamo Zagrebi i Kroacisë do të luaj kundër Villarrealit të Spanjës.
Shorti u mbajt për të dyja çerekfinalet dhe gjysmëfinalet. Dy ndeshjet e çerekfinaleve të Ligës së Evropës do të zhvillohen në prill.
Finalja e Ligës së Evropës 2021 do të zhvillohet në stadiumin “Gdansk” në qytetin Gdansk të Polonisë.
Në këtë stadium janë zhvilluar katër ndeshje të “EURO 2012”, tri ndeshje në grupe dhe një çerekfinale në Kampionatin Evropian të futbollit 2012 të bashkë-organizuar nga Polonia dhe Ukraina.
Çerekfinalistët e Ligës së Evropës janë:
Granada (Spanjë) – Manchester United (Angli)
Arsenal (Angli) – Slavia Praga (Çeki)
Ajax (Holandë) – Roma (Itali)
Dinamo Zagreb (Kroaci) – Villarreal (Spanjë)
Gjysmëfinalet
Granada – Manchester United / Ajax – Roma, transmeton Anadolu Agency (AA).
Dinamo Zagreb – Villarreal / Arsenal – Slavia Praga
