Ministria e Kulturës Rinisë dhe Sportit nëpërmjet një telegram i shpreh ngushëllime familjes së veteranit të arsimit në Kosovë, Fahri Buçinca, përcjellë InLajmi.
Në telegram thuhet se Fahriu ishte intelektual që ka dhënë kontribut të madh në shkrimet publiciste dhe në botimin e fejtoneve.
Telegram ngushëllimi për ndarjen nga jeta të veprimtarit Fahri Buçinca
E nderuara familja Buçinca,
Me pikëllim të thellë e mora lajmin se është ndarë nga jeta i dashuri i juaj, veprimtari i shquar Fahri Buçinca.
Jo vetëm ju si familje por ne si Kosovë humbëm një prej njerëzve më të dashur e më të vlerësuar në fushën e arsimit. Fahriu ka qenë intelektual i cili ka dhënë kontribut të madh përmes shkrimeve publicistike. Kontribut të veçantë ka dhënë me botimin e fejtoneve në fushën e arsimit, kulturës e trashëgimisë kulturore. Po ashtu, Fahriu me angazhimin e tij kontribut të çmuar ka dhënë edhe për arsimimin dhe emancipimin e femrës shqiptare.
Ikja e tij nga kjo botë ka lënë një boshllëk të madh në shoqërinë tonë.
I lehtë i qoftë dheu i Kosovës.
Ngushëllime familjes, miqve, bashkëpunëtorëve dhe dashamirëve të Fahri Buçincës. /InLajmi/
