Përfaqësuesi i Këshillit Drejtues të Shoqatës së Transportit rrugor, Driton Bytyqi ka bërë të ditur se të premten në mëngjes do të protestojnë në lidhje me pakënaqësitë e tyre nga Veterniku deri te rrethi i Flamurit në Prishtinë, përcjellë InLajmi.
Bytyqi ka thënë se kësaj proteste do t’i bashkangjiten të gjithë operatorët e transportit rrugor dhe do të jenë në përcjelljeedhe nga Policia e Kosovës.
Postimi i plotë i tij:
Te nderuar operator të transportit dhe klient.
Sipas vendimit të marr nga Këshilli Drejtues i shoqatës së Transportit rrugor të udhëtarëve, ju njoftojmë që me datë 19/03/2021 do të filloj protesta në ora 10:00 dhe do të zgjas për 2 orë.
Protesta fillon nga hyrja e Veternikut vazhdon rruga Agim Ramadani ,New Born ,Dardanis , deri tek rethi i Flamurit, kjo do të jetë rruga që do të përshkohet me të gjith operatoret e transportit qe do ti bashkangjiten protestes nga e mbar Kosova.
Protesta do të jetë paqësore, ku me bashkpunim me Policinë e Kosoves do të jemi në përcjellje gjatë gjith kohës. Protesa do të vazhdojë edhe në ditët në vijim , me masa që do të merren nga këshilli drejtues.
Lusim të gjithë operatorët e transportit që ti përmbahen regullave të cilat i ka dhënë kshilli drejtues i Shoqatës.
Klient të nderuar, ju kërkjomë falje, që këto ditë proteste nuk do të merni shërbimet tona si cdo herë. Duke shpresuar që Qeveria e Kosovës do të ketë konsiderate për ne dhe ju e të merr vendimin të cilin e premtuar që ti kthehemi punës si me parë. /InLajmi/
