Policia e Kosovës së bashku me ekipin mjekësor ka njoftuar se në mëngjesin e së enjtes në fshatin Strellcë të Ulët të komunës së Deçanit ka ndërruar jetë një person, përcjellë InLajmi.
“Po sot rreth orës 07:55, policia është informuar se në fshatin Strellcë i Ulët në Deçan është një person i lënduar. Patrulla policore ka dal menjëherë në vendin e ngjarjes. Po ashtu ekipi mjekësore dhe sipas tyre ai rreth orës 08:30 ai ka ndërruar jetë. Njësiti është duke u marr me rastin dhe këto janë informatat fillestare për fillim”.
Lajmin e ka konfirmuar edhe kryetari i Deçanit, Rasim Selmanaj duke thënë se i ndjeri Mustafë Hasanaj ishte drejtor në komunën e Deçanit. Selmanaj u shprehi ngushëllime familjarëve, bashkëpunëtorëve dhe farefisit duke thënë se I ndjeri Hasanaj ishte person i ndershëm dhe i sinqertë
Postimi i plotë i tij:
Tragjikisht është ndarë nga jeta Mustafë Hasanaj nga Strellci i Ulët!
Për më shumë se një dekadë e kisha mik e bashkëpuntorë!
Ai shquhej për ndershmëri, urtësi, sinqeritet mbi të gjitha ishte njeri me plotë kuptimin e fjalës!
Per dy mandate kisha nderin ta emroj si drejtor në komunën e Deçanit.
Ngushllime familjes,bashkëpuntorëve dhe farefisit.
Një ndarje e hershme dhe e papritur!
Lamtumirë miku im!
U prehsh në paqe!
RS /InLajmi/
