Ushtruesi i detyrës së kryetarit të PDK-së, Enver Hoxhaj pas takimit me zv.kryeministrin e Maqedonisë së Veriut, Artan Grubin gjatë një prononcimi për media ka folur edhe për çështjet aktuale politike në vend, raporton InLajmi.
Hoxhaj në lidhje me temën e formimit të institucioneve tha se nuk do ta mbështesin Vjosa Osmanin për presidente ngase sipas tij, Osmani nuk e reflekton vullnetin e qytetarëve pasi ka qenë figure polarizuese politike në raport me qytetarët dhe LDK-në.
“Zonja Osmani nuk e reflekton vullnetin e qytetarëve të Kosovës, pasi ka qenë figurë polarizuese në raport me qytetarët, por edhe me subjektin e saj politik LDK që e ka shndërruar në viktimë”.
Ai bëri të ditur edhe njëherë qëndrimin e PDK-së se nuk do ta votoj Vjosa Osmanin për presidente, qëndrimi në sale të Kuvendit sipas tij është çështje teknike.
“Qëndrimi i PDK-së është super i qartë, nuk e mbështesim kandidaturën e saj, nuk votojmë për të, nuk marrim pjesë. Qëndrimi apo jo në sallë është temë teknike. A qëndron në sallë apo jo, nuk ka kurrfarë vlere, tema është a merr pjesë a jo”, ka thënë Hoxhaj. /InLajmi/
