Ekspertët e sigurisë së vaksinave nga Organizata Botërore e Shëndetësisë takohen sot për të shqyrtuar vaksinën Oxford-AstraZeneca, pasi disa vende evropiane ndaluan dozat e tyre.
Ka pasur një numër rastesh në Evropë të mpiksjes së gjakut që zhvillohen pas administrimit të vaksinës. Por ekspertët thonë se numri i incidenteve përputhet me normën e raportuar zakonisht në popullatën e përgjithshme.
Agjencia Evropiane e Barnave (EMA) do të zhvillojë gjithashtu një mbledhje sot, ku pritet të japë vendimin mbi përdorimin e vazhdueshëm të vaksinimit me Oxford-AstraZeneca të enjten.
Rreth 17 milionë njerëz në Bashkimin Evropian dhe Mbretërinë e Bashkuar kanë marrë një dozë të vaksinës, me më pak se 40 raste të mpiksjes së gjakut të raportuar që nga java e kaluar, tha AstraZeneca.
Pretendimet e paprovuara se mund të ketë një lidhje kanë çuar në 11 vende evropiane që pezullojnë përdorimin e vaksinës, përfshirë Gjermaninë, Francën, Italinë dhe Spanjën, transmeton A2CNN
Vende të tjera, përfshirë Austrinë, kanë ndaluar përdorimin e saj si një masë paraprake. Ndërkohë që Belgjika, Polonia, Republika Çeke dhe Ukraina thanë se do të vazhdonin të administronin vaksinën AstraZeneca.
