Përfaqësuesja e komunitetit boshnjak në Kosovë, Duda Balje ka zhvilluar një takim gjatë ditës së marte me kryetarin e LVV-së, Albin Kurti dhe u.d e presidentes Vjosa Osmani, raporton InLajmi.
Pas përfundimit të takimit, Balje u deklarua se kanë arritur marrëveshje të rëndësishme me Kurtin dhe Osmanin për komunitetin boshnjak. Balje po ashtu bëri të ditur se do të votojë pro formimit të Qeverisë dhe zgjedhjes së Vjosa Osmanit si Presidente.
Ajo tha se nuk ka pasur nevojë që të bisedojnë për kushte sepse për shumicën e kërkesave të komunitetit boshnjak ata kanë marrë dritën e gjelbër nga ana e Kurtit.
“Kemi pasur një takim shumë konstruktiv, kemi bërë marrëveshje për gjëra shumë të rëndësishme për neve boshnjakeve në Kosovë. Kam japë përkrahjen time për formimin e Qeverisë dhe votimin e presidentit”,
“Unë do të votoj për zonjën Vjosa për presidente. Nuk kemi pasur nevojë për të biseduar për kushte sepse menjëherë kemi marrë dritën e gjelbër për shumicën e kërkesave që kam pasur për boshnjakët këtu në Kosovë dhe për forcim të lidhjes së boshnjakëve në regjion përfshirë edhe Bosnjën”,/InLajmi/
