Vlora Çitaku, ish-ambasadore e Kosovës në Shtetet e Bashkuara të Amerikës, pas debateve të fundit në lidhje me lokakcionin e Ambasadës së Kosovës në Izrael ka reaguar në llogarinë e saj në Facebook duke thënë se Kosova duhet të kërkojë ndihmë nga Izraeli për vaksina dhe jo të diskutojë lokacionin e ambasadës, përcjellë InLajmi.
Sipas saj kacafytjet publike mes bartësve të institucioneve tona rreth kësaj teme janë shumë të rrezikshme.
Postimi i plotë i saj:
E pabesueshme!
Pa asnjë arsye vazhdojmë ta mbajmë çështjen e Ambasadës së Kosovës në Jerusalem pjesë të debatit politik.
Këshillë miqësore: mbylleni këtë temë. Kacafytjet publike mes bartësve të institucioneve tona rreth kësaj teme janë shumë të rrezikshme. Diplomacia kërkon diskrecion.
Në vend se të debatojmë lokacionin e Ambasadës në Israel, ndoshta më e udhës do të ishte të mobilizohemi dhe të kërkojmë ndihmën e Israelit për vakcina. /InLajmi/
