Gjatë takimit të Komitetit për koordinimin dhe vlerësimin e situates epidemiologjike të Covid-19, Ministri në detyrë, Armend Zemaj, tha se po vazhdojnë luftën kundër pandemisë, raporton InLajmi.
Zemaj tha se institucionet kanë bërë përgatitjet e nevojshme për të kryer vaksnimin dhe se sipas tij Kosova ka qenë shembull si të menaxhohet pandemia.
“Kemi arritur të ngrisim kapacitete si kurrë me parë duke filluar nga pajisjet, shtretërit. Ne kemi bërë më shumë se çdo shtet i rajonit. Kemi qenë dhe mbetemi shembull i pandemisë”.
“Kemi arritur më shumë se ata që na kritikonin. Edhe sot ritheksojmë nevojën që të vazhdojmë me zbatim të plotë për ta luftuar virusin. Këto ditë duhet ta rrisim vigjilencën maksimum”,u shpreh ai.
Tutje tha se Qeveria për vitin 2021 ka paraparë 40 milionë euro për vaksina duke shtuar edhe 10 milionë të tjera”./InLajmi/
