Nga dita enjte në Klinikën Infektive të QKUK-së është lëshuar në funksion sistemi qendror i furnizmit me oksigjen për të gjithë shtretërit, përcjellë InLajmi.
Me rastin e këtij investimi Valbon Krasniqi, drejtor i përgjithshëm i SHSKUK-së, ka vizituar Klinikën Infektive, me ç’rast është informuar për punimet e kryera.
Ndërsa bëhet e ditur se shtrirja e sistemit qendror të furnizimit me oksigjen, do të vazhdojë edhe në Klinikën e Pulmologjisë dhe klinikat tjera të QKUK-së.
“Furnizimi me oksigjen qendror do të bëhet nga cisterna me kapacitet 20 mijë litra, investim ky i kryer në vitin e kaluar nga SHSKUK”, thuhet në njoftimin e tyre.
Njoftimi i plotë nga SHSKUK:
Të gjithë shtretërit e Klinikës Infektive kyçen në sistem qendror me oksigjen
Në Klinikën Infektive të QKUK-së, nga dita sotme është lëshuar në funksion sistemi qendror i furnizimit me oksigjen për të gjithë shtretërit e kësaj klinike.
Ky investim, i bërë nga ShSKUK, do të ofrojë siguri më të madhe për pacientët që kanë nevojë për oksigjen, e po ashtu do të lehtësojë punën e stafit shëndetësor.
Për të parë investimin e bërë dhe funksionimin e këtij sistemi, dr. Valbon Krasniqi, drejtor i përgjithshëm i ShSKUK-së, ka vizituar Klinikën Infektive, me çrast është informuar për punimet e kryera.
Ai është njoftuar nga stafi i kësaj klinike se përmes këtij investimi do të jetë më i lehtë trajtimi i pacientëve dhe stafi i klinikës do ta ketë më të lehtë punën.
Furnizimi me oksigjen qendror do të bëhet nga cisterna me kapacitet 20 mijë litra, investim ky i kryer në vitin e kaluar nga ShSKUK.
Shtrirja e sistemit qendror të furnizimit me oksigjen, do të vazhdojë edhe në Klinikën e Pulmologjisë dhe klinikat tjera të QKUK-së. /InLajmi/
