Shefi i Departamentit të Mirëmbajtjes së Rrugëve në Ministrinë e Infrastrukturës, Gëzim Osmani, ka njoftuar se të gjitha rrugët në vend janë të kalueshme, pas reshjeve të borës mëngjesin e së mërkures, përcjellë InLajmi.
“Sipas informatave nga tereni gjendja e rrugëve është e mirë dhe menaxherët rajonal në 7 rajone të Kosovës”.
Ai tutje tha se sasia e borës që ka rënë nuk është e intensitetit shumë të lartë, megjithatë bën apel tek qytetarët që të kenë kujdes.
“Gjendja momentale nga menaxherët rajonal është e mirë dhe rrugët janë të kalueshme. Sasia e borës që ka rënë në Kosovë nuk ka qenë e intensitetit të lartë diku 6 cm. Mirëpo rrugët që janë në kandër të ministrisë janë të gjitha të qarkullueshme”.
“Qytetarët i kisha lutur kur kemi reshje bore ngasësit e automjeteve të iu përshtaten kushteve atmosferike”,
Ndër të tjera ai tha se kjo Ministri i ka kontratat në 7 regjione për mirëmbajtje, ndërsa 18 kompani janë të angazhuara në mirëmbajtjen e rrugëve të Kosovës./InLajmi/
