KQZ ka mbajtur mbledhjen e sotme lidhur me mbarëvajtjen e procesit të rinumërimit të votave nga QNR, raporton InLajmi.
Anëtari i LVV-së në KQZ, Sami Kurteshi nuk është pajtuar me kërkesën e anëtarit të AAK-së, Ibrahim Selmanaj që të ndodh rinumërim i plotë i të gjitha votave.
Kurteshi ka thënë se në rast se kjo do të ndodhte atëherë ky proces do të merrte konotacion politik.
“Nuk jam pajtuar që ky ka qenë procesi më i mirë zgjedhor, por kërkesa për rinumërim të plotë i tejkalon kërkesat ligjore, dallimet e mospërputhje shihen mirë se ku janë. Unë e kuptoj që gjithmonë ata që marrin më pak vota, nuk mund të jenë të kënaqur me rezultatin”, ka thënë Kurteshi./InLajmi/
