Është zgjedhur kryesia e re e asamblesë së fëmijëve në komunen e Gjilanit e cila është themeluar po këtë vit, përcjellë InLajmi.
Lidhur me këtë ka folur edhe zyrtarja për të Drejtat e Fëmijëve, Hanumshahe Rexhepi e cila tha se kjo është përbërja e tretë e Asamblesë së Fëmijëve, që kur është themeluar kjo organizatë, e cila ka për qëllim afirmimin e të drejtave të fëmijëve në shkolla, mjedisin ku jetojnë ata si dhe në shoqëri.
Këtë asamble do ta udhëheq Xhengiz Hyzeiri , ndërsa nënkryetarë do të jenë Malvesa Kurti dhe Edine Kazaz, sekretar – Morea Rexhepi, arkëtare – Feroza Rashiti.
Rexhepi tha se kjo Asamble është zëri i fëmijëve dhe këtë privilegj ata duhet ta shfrytëzojnë për të punuar së bashku për të mirën e tyre.
Gjilani si komunë tashmë ka rregulloren për të drejtat e fëmijëve, shtoi ajo.
Postimi i plotë nga Komuna e Gjilanit:
Asambleja e fëmijëve në Gjilan zgjedh kryesinë e re
Gjilan, 9 mars 2021 / Asambleja e Fëmijëve në Gjilan, e cila është themeluar në vitin 2021, ka zgjedhur sot kryesinë e re.
Në dy vitet e ardhshme, aq sa zgjat një mandat, Asamblenë e Fëmijëve do ta udhëheq Xhengiz Hyzeiri, ndërsa nënkryetarë do të jenë Malvesa Kurti dhe Edine Kazaz, sekretar – Morea Rexhepi, kurse arkëtare – Feroza Rashiti.
Hanumshahe Rexhepi, zyrtare për të Drejtat e Fëmijëve, tha se kjo është përbërja e tretë e Asamblesë së Fëmijëve, që kur është themeluar kjo organizatë, e cila ka për qëllim afirmimin e të drejtave të fëmijëve në shkolla, mjedisin ku jetojnë ata si dhe në shoqëri.
Rexhepi tha se Gjilani si komunë tashmë ka rregulloren për të drejtat e fëmijëve.
Asambleja është zëri i fëmijëve dhe këtë privilegj ata duhet ta shfrytëzojnë për të punuar së bashku për të mirën e tyre.
Asambleja përbëhet nga përfaqësues të shkollave dhe ka për qëllim të sigurojë pjesëmarrjen aktive të fëmijëve në fushën e arsimit, shkencës, kulturës, sportit, punës humanitare dhe aktiviteteve të tjera me interes për ta, bashkëpunimin me Këshillat drejtues të shkollave, prindërve, nxënësve dhe komunitetin lokal, ngritjen e vetëdijes për të drejtat e fëmijës, inkurajimin e tolerancës, solidaritetit dhe demokratizimit, promovimin e vlerave shoqërore dhe të tjera./InLajmi/
