Në ditën ndërkomëtare të gruas u mbajt ceremonia e përurimit të “Kooperativa Bujqësore Krusha”, shkruan InLajmi.
Në këtë përurim ishte i pranishëm edhe ambasadori i Republikës së Shqipërisë, Qemal Minxhozi.
Sipas njoftimit bëhet e ditur se kjo ceremoni është projekt i financuar nga Bashkimi Evropian në bashkëpunim me disa biznese vendore të koordinuara nga Ambasada e Shqipërisë në Kosovë.
Gati 5 vite më parë ky projekt ishte vetëm një ëndërr për gratë e Krushës e sidomos për heroinën Fahrije Hoti, ishte një gjë që nuk e besonte asnjëherë që do të bëhej realitet, thuhet në njoftimin e Ambasadës së Shqipërisë në Kosovë.
Kështu investimet e shumta në mjedise të reja bashkëkohore do ua mundësojnë atyre një zhvillim më të hovshëm të asaj zone./InLajmi/
