Me rastin e vdekjes së profesorit të së drejtës ndërkombëtare të Universitetit të Prishtinës, Zejnullah Gruda, është mbajtur mbledhje komemorative në ambientin e Fakultetit Juridik, raporton InLajmi
Dekani i Fakultetit Juridik, Avni Puka tha se profesori tashmë i ndjerë edukoi breza për dekada të tëra.
“Njeriu i urtë e i mençur, që me fjalën e tij edukoi për dekada të tëra”.
Ai poashtu falënderoi të pranishmit, duke prezantuar më pas punën që profesori Gruda ka bërë gjatë karrierës së tij.
Ndërsa profesori Enver Hasani, tha që ishte me fat që e njohu personalisht profesor Grudën, duke shtuar se shumë profesorë të njohur bartin dijen e tij.
“Na shuante etjen për dije, të gjithëve ne që kishim të bëjmë punë me të dhe do ta kujtojmë përplasjen me policinë serbe”.
“Profesori ka qenë përkrahës për idenë e shtëpi-shkolla dhe që sot shumë profesorë bartin dijen e profesor Grudës”,shtoi ndër të tjera ai.
Më pas foli edhe vajza e profesorit Gruda, Arta Gruda e cila tha se ndihen të nderuar që kanë marrë shumë mesazhe e mirënjohjen për punën e babait të saj.
“Qindra mesazhe për mirënjohjen e punës së babait tonë na bën që të jemi falënderues ndaj tyre. Fati deshi që të vdes në ditën e mësuesit”.
Kujtojmë se profesori Zejnullah Gruda vdiq ditën e 7 marsit duke lënë pas vetes një krijimtari të tërë /InLajmi/
