Oda e Mjekëve të Kosovës ka bërë të ditur se ka vdekur tekniku medicinal Liman Shala, përcjellë InLajmi.
Sipas kësaj Ode thuhet se ai ishte i angazhuar edhe në luftë, duke iu dalë në ndihmë të plagosurve dhe të sëmurëve në zonën e Drenicës.
Shala ka punuar në Spitalin e Përgjithshëm të Mitrovicës, por ishte përjashtuar dhunshëm nga puna.
Postimi i plotë nga Oda e Mjekëve të Kosovës:
Ndahet nga jeta tekniku medicinal Liman Shala
Liman Shala ka shërbyer në Spitalin e përgjithshëm Mitrovicë deri në vitin 1993 kur edhe ishte përjashtuar me dhunë nga puna. Gjatë viteve 1998-1999 dha një kontribut të jashtëzakonshëm duke ju bashkuar radhëve të UÇK-së pranë brigadës 113 Muje Krasniqi, ku u kishte dal në ndihmë të plagosurve dhe të sëmurëve të zonës së Drenicës. Ishte person i përkushtuar ndaj profesionit të tij, mbi të gjitha ishte një njeri i dashur dhe shumë punëtor.
Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij./InLajmi/
