RedMagic, marka e lojrave e ZTE (më saktësisht, ndarja e saj Nubia), prezantoi dy telefona të rinj në bashkëpunim me gjigantin kinez Tencent.
Këto janë modelet RedMagic 6 dhe RedMagic 6 Pro që janë lëshuar tashmë në Kinë dhe do të mbërrijnë në tregjet e tjera më vonë këtë muaj.RedMagic 6 ka një procesor Qualcomm Snapdragon 888, një ekran OLED 1080p 6.8 inç dhe një shpejtësi rifreskimi deri në 165Hz, që do të thotë se aktualisht ka ekranin më të shpejtë në treg
RedMagic 6 Pro është pothuajse identik, por vjen me 18 GB RAM dhe mbështet karikimin 120W, kështu që bateria e tij 4,500mAh mund të karikohet në vetëm 17 minuta.
Në pjesën e pasme janë tre kamera 64MP, 8MP dhe 2MP, ndërsa në pjesën e përparme është një kamerë selfie 8MP, transmeton Telegrafi.
Standardi RedMagic 6 ushqehet nga një bateri më e madhe 5.050 mAh që mbështet karikim më të ngadaltë 66W, kështu që duhen 38 minuta për tu karikuar plotësisht.
