Kryetari i Sindikatës së Bashkuar të Arsimit, Shkencës dhe Kulturës e Kosovës, Rrahman Jasharaj u ka uruar punëtorëve të arsimit ditën e mësuesit, shkruan InLajmi.
Jasharaj në një intërvistë për InLajmin ka bërë të ditur se për shkakë të pandemisë në vend procesi i organizimit të aktiviteteve është më ndryshe se herave të tjera.
“Në vitet e kaluara SBASHK organizonte aktivitete të shumta nëpër komuna e Universitete dhe bënte përmbylljen e këtyre aktiviteteve me Manifestimin madhështor në Pallatin e sporteve “1 Tetori” për të festuar 7 Marsin e për të shprehur respektin meritor për kontributin e lartë të pishtarëve të dijes
Këtë vit për shkak të situatës nga pandemia ky Manifestim nuk u mbajt në Prishtinë, por u shpërnda nëpër gjithë komunat e Kosovës dhe në Universitete”,ka thënë Jashari.
Ai ka treguar se i janë ndarë mirënjohje mësimdhënësve të cilët kanë kontribouar në arsim.
“Kështu të premten dhe të shtunën, SBASHK-u organizoi nëpër komunat e Kosovës ceremoni festive me kolegët e pensionuar nga marsi i vitit të kaluar e këndej, që kanë punuar me vite e dekada në çerdhe, Arsimin Parauniversitar apo Universitete, duke u ndarë mirënjohje për punën dhe përkushtimin e tyre e duke kujtuar me fjalë rasti kontributin e lartë të pishtarëve të dijes që nga shkolla e parë shqipe e deri në ditët e sotme”, shtoi ai.
Ndër të tjera Jashati theksoi se në këto takime festive është folur edhe për sfidat e mësimdhënësve ndër vite, shkruan InLajmi.
“Në këto takime festive është folur edhe për sfidat dhe angazhimin në shërbim të arsimit nëpër vite e dekada dhe me krenari është vlerësuar se SBASHK-u ka arritur të realizojë në tërësi kërkesat e anëtarësisë dhe kështu do të vazhdohet edhe sot e gjithmonë”,deklaroi ai.
Kryetari i kësaj Sindikate ka folur edhe për zhvillimin e procesit mësimorë në kushte pandemie, shkruan InLajmi.
“Këtë vit shkollor falë angazhimit këmngulës të punëtorëve të arsimit është zhvilluar në shkolla. Na ka frikësuar dhe po vazhdon të na frikëson shtimi i numrit të rasteve me koronavirus, sepse kjo refketon edhe tek mësimdhënësit e Kosovës. Por ajo që garantojë në emër të mësimdhënësve duke u bazuar në bisedat me ta është se do të këmbngulin që të vazhdojë procesi mësimorë në shkolla”.
Jasharaj ka folur edhe për prioritetet e vaksinimit kundër koronavirusit.
“Ne këmi bërë apel tëk Ministria përkatëse që prioritet në vaksinim të jenë mësimdhënësit, por që ata nuk e kanë këtë prioritët. Me vaksinimin e tyre do të siguronim kushte oprimale që mësimi të vazhdohet nëpër shkolla”,u shpreh ai.
Po ashtu Jasharaj ka folur edhe për vështirësitë e mbarëvajtjes së procesit mësimorë në formë online, shkruan InLajmi.
“Viti i kaluar ka dëshmuar se edhe për kundër angazhimeve të shtuara të punëtorëve të arsimit dhe prindërve e të nxënësve, prap kemi pasur telashe me procesin e organizimit të procesit mësimor nga larg. Urojë që të mos ndodhë që IKSHPK dhe Ministria e Shëndetësisë të vinë në pozicion të shpallin mbylljen e shkollave sepse mësimi online është i vështirë”,shtoi ai.
Sipas tij një formë e tillë është e vështirë edhe në Ballkan e Evropë, e lërë më në Kosovë që sipas tij është një vend i varfër.
“Urojmë që organet gjegjëse të mos sjellin ndonjë vendim për mbyllje ngase mësimi online jo vetëm në Kosovë por edhe në Ballgan dhe Evropë është treguar i vështirë për t’u realizuar për shkak të kushteve dhe situatës, e sidomos në vendet e varfëra siç është Kosova, ky mësim online është edhe më i vështirë për t’u realizuar”, përfundoj Jasharaj./InLajmi/
