Ushtruesi i Detyrës së kryetarit të Organizatës së Veteranëve të Luftës së UÇK-së, Faton Klinaku në ditën e dytë të shënimit të Epopesë së UÇK-së, ka bërë homazhe në kompleksin memorial Adem Jashari, raporton InLajmi.
Klinaku tha që saherë që viziton Prekazin i kujtohen gjërat që i ka bërë agresori serb gjatë luftës. Ai po ashtu theksoi se nuk janë të kënaqur me organet tona të vendit që nuk i ndjekin këto krime dhe që mbi të gjitha kanë miratuar edhe gjykata speciale.
“Sa herë që vijmë për t’i kujtuar këtu çdo herë si organizatë vijmë dhe kur e shohim këtë vend që në mesin e tyre ka edhe fëmijë na kujtohen gjërat që i kanë bërë, ne nuk jemi të kënaqur me organet tona që nuk i ndjekin këto krime. Fatkeqësisht ata kanë miratuar gjykata ndërkombëtare”, /InLajmi/
